Sporti

Xhemaili thotë se nuk është xheloz në gruan e tij

Blerim Xhemaili ka thënë se nuk është xheloz që gruaja e tij pozon me bikini dhe ka njoftuar se kanë lëshuar në treg linjën e tyre të veshjeve të brendshme

Blerim Xhemaili është futbollist shumë i njohur. Ai luan në Bologna dhe për Përfaqësuesen e Zvicrës, por kohët e fundit vëmendjen e mediave e ka fituar Erjona me bukurinë e saj.

 

Xhemaili në një intervistë të gjatë për ‘Blick’ thotë se nuk është xheloz aspak, derisa po mendojnë për markën e tyre të veshjeve të brendshme, përcjell albinfo.ch.

 

Erjona ishte zgjedhur nga “GQ Italia”, si tifozja më e bukur në Kampionatin Botëror. “Jam krenar. Pse duhet të jem xheloz”, thotë në fillim Blerimi. Gruaja e tij ka 160 mijë ndjekës në ‘Instagram’, por as kjo nuk e shqetëson atë. “Ajo ka dyfish më shumë se unë. Megjithatë, nuk kam xheloz edhe pse flasim shumë me kolegë. Jam një person i hapur. Unë i besoj gruas time. Jam i sigurt se mund të menaxhojë situatën kur ajo publikon foto në bikini në internet. Para një viti ajo më ka pyetur nëse do të qesim markën tonë të veshjeve, por në fillim isha skeptik. Ne kemi sjellë linjën e veshjeve të brendshme në treg. Dhe nëse dëshironi t’iu prezantoni njerëzve, atëherë sigurisht se do të duhet të pozoni edhe në bikini”, ka shtuar futbollisti me përvojë.

 

Edhe në veshjet e brendshme gruaja e tij do të ketë rol kyç. “Ajo sjell bikinit që i dizajnuar vetë. Ajo e ka marr përsipër të gjithë punën dhe roli im është modest. Ajo me të vërtetë është munduar shumë. Nuk është esenca te paratë, por te puna”, ka theksuar tutje Xhemaili, përcjell albinfo.ch.

 

Ai më tej ka treguar edhe si janë njohur kur ajo është zgjedhur Miss Shqipëria 2013 ndërsa tashmë kanë edhe një djalë, Luanin, për të cilin të dytë përkujdesen shumë.

KUJDES ! TEKSTI YNË I KOPJUAR DO TË DENONCOHET DHE RAPORTOHET. PËRPOS NËSE...

Ju keni të drejtë ta riprodhoni tekstin tonë, por me kusht që ta citoni burimin e albinfo.ch dhe kur ta publikoni shkrimin, ta integroni linkun e artikullit siç vijon: http://www.albinfo.ch/xhemaili-thote-se-nuk-eshte-xheloz-ne-gruan-e-tij/

Në të kundërtën, ne do të raportojmë pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin. Redaksia e albinfo.ch.