Sport
Ylli i Shqipërisë e kërkon pasaportën bullgare
Armando Sadiku ka kërkuar pasaportën bullgare, që të luajë si komunitar në skuadrën e re, Lugano. Ai ka sqaruar se gjyshërit e tij kanë pasur shtetësi bullgare
Ai është një yll në Shqipëri. Një hero i popullit. Armando Sadiku shënoi golin historik të Shqipërisë në Kampionatin Evropian. “Jeta ime ka ndryshuar, por unë do të mbetem i njëjtë”, kishte thënë Armando Sadiku, shkruan ‘Blick’.
Por, siç raportojnë mediat zvicerane, ai është duke kërkuar pasaportën bullgare, përcjell albinfo.ch.
“Është e vërtetë. Gjyshërit e mi kanë pasaportë bullgare dhe prej tyre dua edhe unë të kem një të tillë”, ka thënë sulmuesi shqiptar.
25-vjeçari humbi dy ditë përgatitje me skuadrën e Luganos, pikërisht për shkak të pasaportës, që mund ta lehtësojë karrierën e tij futbollistike.
Lojtarët nga BE-ja vuajnë më pak kufizime sesa lojtarët e tjerë, e për këtë, sulmuesi shqiptar ka kërkuar ndihmë në Sofje, nën evokimin e gjyshërve të tij.
Megjithatë, Sadiku ka sqaruar se e ndjen veten 100 % shqiptar dhe mendon vetëm për Kombëtaren shqiptare.
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe