Kultura

Ylli shqiptar i Hollywoodit flet për filmin “Fast and Furious 8”

Marko Caka ka folur për bashkëpunimin që ka pasur me aktorët e Hollywoodit, skenat e jashtëzakonshme të filmit, si dhe për përvojën me regjisorin F. Gary Gray

Filmi amerikan “Fast and Furious 8” po thyen rekordet e shikueshmërisë dhe të ardhurave. Pjesë e këtij filmi janë edhe tre aktorë shqiptar, ndër ta edhe Marko Caka.

 

Ai ka folur për bashkëpunimin që ka pasur me aktorët e Hollywoodit, skenat e jashtëzakonshme të filmit, si dhe për përvojën me regjisorin F. Gary Gray.

 

“Kam qenë tre javë në shesh xhirim me Vin Diesel, Dwayne Johnson, Jason Statham, Scott Eastwood. Ishte një kënaqësi e veçantë sepse isha tre javë në Atlanta dhe Cliverland”, ka thënë aktori shqiptar për “TCH”.

 

Skenat në këtë film janë të jashtëzakonshme, me vetura të shpejta dhe të shtrenjta. “Nuk e kisha besuar që ata do të vinin makinat më të shtrenjta, miliona dhe në tre sete t’i kthenin edhe njëherë dhe t’i prishnin edhe njëherë makinat. Nuk më kishte shkuar në mendje që do të bënin diçka të llahtarshme Universal me grupin e tij”, ka theksuar aktori nga Shkodra, përcjell albinfo.ch.

 

Për të realizuar këtë film janë shpenzuar hiq më pak se 850 milionë dollarë. “Tek skenat e shpejtësisë në Cliverland, ku janë edhe përplasjet e mëdha, aty është përdorur një teknologji shumë e lartë. Një teknologji që Universal ka shpenzuar nga buxheti i saj mbi 850 milionë dollarë për ta ndërtuar këtë film”, përfundoi Marko Caka.

KUJDES ! TEKSTI YNË I KOPJUAR DO TË DENONCOHET DHE RAPORTOHET. PËRPOS NËSE...

Ju keni të drejtë ta riprodhoni tekstin tonë, por me kusht që ta citoni burimin e albinfo.ch dhe kur ta publikoni shkrimin, ta integroni linkun e artikullit siç vijon: http://www.albinfo.ch/ylli-shqiptar-i-hollywoodit-flet-per-filmin-fast-and-furious-8/

Në të kundërtën, ne do të raportojmë pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin. Redaksia e albinfo.ch.