Zhvillim
Zbulo bukuritë e Kosovës
Me kalimin e viteve, secili apo secila nga ne e kemi vështirë t’u ikim ca riteve që po përsëriten për çdo vit kur kthehemi për të kaluar pushimet verore në ditëlindje: vizitë mbarë familjes, organizim apo pjesëmarrje në dasma të farefisit, organizim praktik të qëndrimit të përkohshëm, hallakamë me orare, shpenzime të paplanifikuara, eventualisht ca ditë në bregdetin shqiptar apo turk dhe kthim në përditshmërinë e jetës në Zvicër, Gjermani apo gjetiu.
Nëpërmjet këtyre riteve mërgimtarët i mbushin bateritë emocionale dhe e kompensojnë në njëfarë mënyre mallëngjimin për mungesën dhe vitet e kaluara larg familjes së gjerë. Për gjeneratën e dytë, ditët që i kalojnë në vendlindjen e prindërve të tyre mbeten relativisht të varfra në raport me nevojat e tyre për t’i kuptuar thellësitë e kulturës dhe shoqërisë së prejardhjes së tyre. Për këta të fundit madje shpeshherë perimetri gjeografik i pushimit mbetet i kufizuar mes fshatit apo qytetit prej nga vijnë prindërit, deri në një kalim eventual në Prishtinë.
Ky numër special i Albinfo.ch synon pikërisht t’ju sjellë më afër informata mbi thesaret natyrore, historike si dhe mundësitë e shumta ekzistuese të aktiviteteve të lira që mund t’i realizoni gjatë pushimeve verore në Kosovë, pa i harruar informatat praktike dhe këshillat e ndryshme që do t’ua lehtësojnë qëndrimin atje. Qëllimi ynë është që t’ju sjellim ide dhe t’ju joshim që t’i zbuloni bukuritë e Kosovës. Në këtë mënyrë që ta pasuroni më shumë kujtesën tuaj personale dhe të familjes suaj për kohën që e keni kaluar në vendlindje.
Pushime të këndshme!
Shfletoni revistën me poshtë:
E-Diaspora
-
Blick: Shaqiri dëshmon sërish pse Zvicra nuk mundet pa të Gazeta zvicerane shkruan se nëse ka pasur dyshime që Përfaqësuesja e Zvicrës në futboll nuk bën...
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane