Bota

Zbulohen objekte të reja arkeologjike në Luxor të Egjiptit

Autoritetet në Egjipt kanë zbuluar objekte dhe një mumje nga dy varret që u zbuluan dy dekada më parë në qytetin Luxor.

Ministria e Antikiteteve ka njoftuar se varret ishin identifikuar nga arkeologia gjermane Frederica Kampp në vitet 1990 dhe ishin ose të pashfrytëzuara ose nuk ishin analizuar kurrë.

Së bashku me një mumje, arkeologët gjetën maska të punuara prej druri dhe disa qindra statuja të gdhendura. Ato besohet se i përkasin dinastisë së 17-të të Egjiptit, ose fillimit të dinastisë së 18-të.

Gërmadhat e Egjiptit shihen si interesante nga vizitorët e huaj, derisa autoritetet shpresojnë që gjetjet e reja mund të ndihmojnë të tërheqin më shumë vizitorë.

Kjo gjithashtu shihet si mënyrë për të ringjallur turizmin e goditur nga trazirat që pasuan përmbysjen e ish-presidentit Hosni Mubarak më 2011, përcjell albinfo.ch.

Në shtator, arkeologët egjiptianë njoftuan zbulimin e një varri të një argjendari të shquar që jetoi më shumë se 3.000 vjet më parë, duke zbuluar statuja, mumje dhe stoli pranë Luxorit.