Sport
Zbulohet motivi i dhunimit të gruas shqiptare nga Robinho
Ngjarja kishte ndodhur pesë vjet më parë kur braziliani po luante për Milanin, dhe kishte dhunuar një grua shqiptare (22 vjeç), ndërsa mediat italiane kanë zbardhur edhe motivimin e dënimit të gjykatës
Futbollisti i njohur brazilian, Robinho, 33-vjeçar, së bashku me mikun e tij, Rikardo Falko, kanë shfaqur “një sjellje përçmuese për kushtet e viktimës së tyre”, pas dhunës seksuale, autorë të së cilës janë dy të sipërpërmendurit. Është kjo ajo që shkruan Gjykata e Milanos, në motivimin e vendimit të tyre për të dënuar Robinhon me 9 vite heqje lirie dhe 60 mijë euro dëmshpërblim ndaj viktimës, një vajze shqiptare, të cilën ata e përdhunuan, raportojnë mediat shqiptare.
Ngjarja kishte ndodhur pesë vjet më parë kur braziliani po luante për Milanin, dhe kishte dhunuar një grua shqiptare (22 vjeç), ndërsa mediat italiane kanë zbardhur edhe motivimin e dënimit të gjykatës, ku ndër të tjera thuhet: “Robinho dhe miqtë e tij kanë pasur që në fillim të bisedës me vajzën qëllime vulgare. Termat e përdorur për ta fyer dhe nënvlerësuar, të qeshurat, por edhe kërcënimet janë tregues i qartë i planit të tyre ndaj viktimës. Veprimet e tyre, përveç përdhunimit, u karakterizuan edhe nga dhuna e paraushtruar ndaj vajzës, e cila pas aktit ka pasur edhe trauma të tjera në trup, siç evidentohen në raportin mjekësor”, përcjell albinfo.ch.
“Sipas rindërtimit të ngjarjes të bërë nga gjykata, më 22 janar të vitit 2013, vajza shqiptare po festonte ditëlindjen në një lokal të njohur milanez. Gjendja e dehur e saj ka lehtësuar qasjen e Robinhos, i cili ka qenë i pari që ka përfituar. Pikërisht alkooli i konsumuar e ka penguar vajzën të bëjë rezistencë edhe ndaj Rikardo Falkos, 35-vjeçar dhe mik i futbollistit. Dyshja i ka ‘huazuar’ viktimën edhe katër bashkëkombësve të tjerë, të cilët deri në atë moment kishin asistuar në skenë pa ndërhyrë”, thuhet tutje në raport.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?