Shkurt.ch

Gjithnjë e më shumë martesa të detyruara

Nga viti 2005 deri në vitin 2015 janë raportuar "vetëm" 94 raste

Shërbimi i martesave të detyruara këshillon gjithmonë e më shumë aplikantët për azil. Ai i ka trajtuar 64 raste më 2016, më shumë se dyfishi i vitit 2015 (26 raste). Nga viti 2005 deri në vitin 2015 janë raportuar “vetëm” 94 raste.

Deri kohët e fundit martesa e detyruar në mesin e azilkërkuesve llogaritej të përbëjë rreth 10% të rasteve të paraqitura në shërbim të specializuar. Tani këto martesa përbëjnë 20%, tregon drejtoresha e këtij shërbimi, Anu Sivaganesan.

Zonja Sivaganesan tregon për shembull historinë e një kurdeje të Irakut, babai i të cilës mendonte se vajza po tregohej tepër e lirë. Më pas, po ky baba dërgon vajzën në Turqi, ku e detyron të martohet. E sapomartuar, ajo kishte parashikuar të ndahej nga burri me kthimin e saj në Zvicër, por kur prindërit morën vesh për synimet e vajzës, ata e dërguan në Kurdistanin të Irakut.

Martesat e detyruara zakonisht u ndodhin vajzave të reja, shpesh të mitura. Ato janë kryesisht nga Siria, Afganistani, Eritreja, Irani, Iraku apo Somalia.

Pesë vjet burgim

Që nga viti 2013 martesat e detyruara janë të dënueshme në Zvicër me 5 vjet burgim. Por. ne duhet të veprojmë më shumë në nivel fetar, thekson Anu Sivaganesan, sepse problemi i moshës minimale për martës anashkalohet rregullisht.

Një përgjegjës për Departamentin Federal të Punëve të Jashtme do të ishte i mirëpritur, mendon drejtoresha, për rastet si ai i kurdes së dërguar në Irak. Edhe pse shumë takime për sensibilizim kundër martesave të detyrueshme organizohen rregullisht në kantonet e ndryshme, shërbimi i lartpërmendur parashikon një fushatë të re.

KUJDES ! TEKSTI YNË I KOPJUAR DO TË DENONCOHET DHE RAPORTOHET. PËRPOS NËSE...

Ju keni të drejtë ta riprodhoni tekstin tonë, por me kusht që ta citoni burimin e albinfo.ch dhe kur ta publikoni shkrimin, ta integroni linkun e artikullit siç vijon: http://www.albinfo.ch/zvicer-gjithnje-e-me-shume-martesa-te-detyruara/

Në të kundërtën, ne do të raportojmë pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin. Redaksia e albinfo.ch.