Sporti

Zvicra e shqiptarëve me Brazilin e Serbinë në Botëror

Zvicra do të përballet me Brazilin, Kostarikën dhe Serbinë në fazën e grupeve të Botërorit “Rusia 2018”.

Këto katër kombëtare janë pjesë e Grupit E, sipas shortit të hedhur sot në Moskë.

Zvicra u kualifikua në këtë Kampionat Botëror pasi eliminoi në “Play-Off” Irlandën Veriore, shkruan Albinfo.ch.

Në fazën kualifikuese ishin pjesë kyçe e përfaqësueses zvicerane yjet shqiptare Granit Xhaka, Xherdan Shaqiri, Blerim Xhemaili, Admir Mehmedi e Valon Behrami.

Botërori 2018 nis më 14 qershor të vitit të ardhshëm dhe përfundon më 15 korrik. Brazili është kombëtarja që ka fituar më së shumti kampionate botërore, pesë herë.