Shkurt.ch
Zvicra, me 8.33 milionë banorë, mbi 40 mijë numri i të natyralizuarve
Gjatë kësaj periudhe ka pasur një shtim prej afër 25 për qind të personave që kanë marrë shtetësinë zvicerane. Bëhet fjalë për 40700 të huaj të cilët gjatë vitit 2015 kanë marrë shtetësinë zvicerane
Në fund të vitit 2015 ndërkaq në Zvicër jetonin 8.33 milionë banorë ose 89500 sish më shumë se një vit më parë, bën të ditur agjencia zvicerane e lajmeve SDA. Me gjithë rritjen evidente të realizuar më së shumti nga migracioni, ka pasur gjatë kësaj periudhe edhe braktisje të vendit.
Nga ana tjetër gjatë kësaj periudhe ka pasur një shtim prej afër 25 për qind të personave që kanë marrë shtetësinë zvicerane, përcjell albinfo.ch. Bëhet fjalë për 40700 të huaj të cilët gjatë vitit 2015 kanë marrë shtetësinë zvicerane, gjegjësisht janë natyralizuar. Këto shifra që i ka publikuar Zyra Federale për Statistikë të premten që shkoi paraqesin gjendjen e popullatës në fund të vitit 2015. Të dhënat kryesore kanë qenë të njohura qysh në prill të këtij viti. Sipas tyre në fund të vitit 2015 në Zvicër jetonin 8 milionë e 33 mijë veta. Ky numër është për 1.3 për qind më shumë se në vitin 2014. Ndërsa popullata me prejardhje të huaj (pa pasaportë zvicerane) ka kaluar për herë të parë kuotën prej 2 milionëve.
Edhe më tutje, faktori kryesor për rritjen e popullatës ka qenë migracioni, pasi që në vitin 2015 në Zvicër kishin ardhur për të jetuar 188.500 persona nga bota e jashtme, ose 0.6 për qind më shumë se një vit më parë, transmeton albinfo.ch. Por, pasi që gjatë periudhës së njëjtë kohore numri i atyre që kanë lëshuar Zvicrën është rritur më shumë se ai i atyre që kanë ardhur në Zvicër, saldoja e lëvizjeve të popullatës është ulur për 5.7 për qind.
Gjithsej 116.600 persona kanë braktisur Zvicrën gjatë vitit 2015 krahasuar me një vit më parë. Kjo nënkupton një rritje të kësaj kategorie për plot 5 për qind, që është shkalla më e lartë e regjistruar pas vitit 1992.
Numri më i madh i atyre që vijnë në Zvicër dhe i atyre që ia kthejnë shpinën Zvicrës, janë shtetas të Italisë, Francës, Gjermanisë, Portugalisë dhe Spanjës.
E-Diaspora
-
Mërgimtari nga Suhareka vdes në një aksident tragjik në Itali Raportohet se Haris Shala është 25-vjeçari shqiptar që humbi jetën një ditë më parë në një...
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
-
8 filma nga Kosova dhe Shqipëria do të prezantohen në Festivalin e Filmit “goEast” 2024
Jeta në Zvicër
-
Zvicër: Thirrje për kujdes për personat që kanë vendosur tashmë goma verore Moti aktual kërkon goma dimërore. Prandaj, drejtuesit e mjeteve që kanë vendosur tashmë goma verore duhet...
-
Studim: Mirëqenia në Zvicër është rritur ndjeshëm në 30 vjetët e fundit
-
Lojë shpërblyese: Fitoni bileta për të shikuar njërin nga 27 filmat në Kino Kosova
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër