Jeta në Zvicër
Zvicra ndan 36 milionë franga për shkollim në vendet e varfra
Këshilli Federal i Zvicrës ka marrë vendim për vazhdimin e mbështetjes financiare për Partneritetin Global për Arsimim (GPE) për periudhën 2017-2020 në vlerë prej 36 milionë franga.
Zvicra kontribuon në shkollimin universal duke mbështetur sistemet arsimore në vendet më të varfra dhe me mbështetjen e këtij fondi, deri në vitin 2014 janë regjistruar nëpër shkolla 64 milionë fëmijë shtesë.
Arsimimi luan një rol të rëndësishëm në reduktimin e varfërisë duke ofruar mundësi për fëmijët dhe të rinjtë që të përmirësojnë kushtet e tyre të jetesës dhe për t’i integruar ato në tregun e punës.
Edukimi është gjithashtu një mjet për të përmirësuar kushtet socio-ekonomike të vendeve më të varfra, si dhe ato të popullatave migruese, refugjatëve ose refugjatëve të brendshëm në vendet pritëse ose në vendet e tyre të origjinës.
Thuhet të jetë bërë progres në shkollimin fillor, por sfidat mbeten për të siguruar një arsimim bazë cilësor në nivel universal.
Në mbarë botën, 263 milionë fëmijë dhe të rinj ende nuk janë të regjistruar, pothuajse gjysma e të cilëve jetojnë në zona konfliktesh.
Me mbështetjen e GPE-së, deri në vitin 2014 janë regjistruar 64 milionë fëmijë shtesë. Përqindja e fëmijëve që përfundojnë ciklin primar është rritur me 7.6% në vendet partnere të GPE-së (2008-2012). Numri i fëmijëve që kanë mbetur jashtë bankave të shkollës u zvogëlua me 4.4% në vendet partnere të GPE-ve dhe 2.9% në të gjitha vendet në zhvillim. Në vitin 2002, 56% e vajzave përfunduan shkollën fillore.
Gjatë dekadës së fundit, Partneriteti Global për Arsim (GPE) kanë investuar drejtpërsëdrejti më shumë se 4.6 miliard dollarë . Shpenzimet publike për arsimim në vendet partnere të GPE-së u rritën nga 3.9% në 4.8% të PBB-së ndërmjet viteve 2000 dhe 2011.
Zvicra është një anëtare me ndikim e Partneriteti Global për Arsimim GPE dhe ka qenë anëtare e saj që nga viti 2015.
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe