Bota

Zvicra, në mesin e vendeve më të mira për emigrantët

Zvicra ka marrë nota pozitive jo vetëm për ekonominë, por edhe për masat integruese për emigrantët, siç janë edhe kurset e gjuhës

Zvicra është njëra nga tri vendet më të mira për emigrantët, në një renditje të re sipas një studimi amerikan U.S. News and World Report, përcjell albinfo.ch.

Në këtë studim amerikan Suedia figuron në vendin e parë, e ndjekur nga Kanadaja, Zvicra, Australia dhe Gjermania.

Shtetet e Bashkuara të Amerikës, një vend i cili u themelua kryesisht nga emigracioni masiv, vjen në vendin e shtatë.

U.S. News and World Report për të krijuar këtë listë kishte marrë për bazë masa të tilla, si stabiliteti ekonomik, barazia e të ardhurave dhe tregjet e punës, duke përdorur një studim të veçantë të opinioneve të më shumë se 21.000 udhëheqësve të biznesit dhe elitave të tjera si dhe anëtarëve të publikut.

Suedia ishte bërë një destinacion popullor për refugjatët nga Afrika dhe Lindja e Mesme gjatë viteve të fundit, duke marrë më shumë emigrantë sesa çdo komb tjetër evropian në kulmin e fluksit të emigrantëve në vitin 2015.

Suedia nuk ishte vendi i vetëm që ka mirëpritur emigrantët; Norvegjia, Finlanda dhe Danimarka gjithashtu janë në 10 pozitat e para të renditjes, kryesisht për shkak të perceptimeve të favorshme të gjetura në studimin mbi ekonomitë e tyre dhe përkushtimin ndaj barazisë së të ardhurave.
https://www.usnews.com/news/best-countries/articles/2017-07-10/sweden-ranked-best-country-to-be-an-immigrant

KUJDES ! TEKSTI YNË I KOPJUAR DO TË DENONCOHET DHE RAPORTOHET. PËRPOS NËSE...

Ju keni të drejtë ta riprodhoni tekstin tonë, por me kusht që ta citoni burimin e albinfo.ch dhe kur ta publikoni shkrimin, ta integroni linkun e artikullit siç vijon: http://www.albinfo.ch/zvicra-ne-mesin-e-vendeve-me-te-mira-per-emigrantet/

Në të kundërtën, ne do të raportojmë pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin. Redaksia e albinfo.ch.