Shkurt.ch
Zvicra nuk do t`i ndalojë qeset plastike
Në vend të kësaj, do të angazhohet për marrëveshje vullnetare në mes të shitësve me pakicë që do të çonte drejt reduktimit të shfrytëzimit të qeseve me një përdorim deri në 80 për qind krahasuar me sot
Qeset e holla të plastikës për një përdorim, në Zvicër mund të përdoren edhe më tej. Pas heqjes dorë të Dhomës Nacionale të Parlamentit, nga kërkesa për ndalim të tyre ka hequr dorë edhe Komisioni për Ambient i Dhomës së Kantoneve, njofton shërbimi për informim në kuadër të parlamentit.
Siç shkruan srf.ch duke iu referuar njoftimeve nga parlamenti, politika tash e tutje do të angazhohet për marrëveshje vullnetare në mes të shitësve me pakicë. Një marrëveshje e tillë do të çonte drejt reduktimit të shfrytëzimit të qeseve me një përdorim deri në 80 për qind krahasuar me sot.
Më tutje, duke filluar nga viti 2018 konsumatorët do të detyrohen të paguajnë për qeset e vogla të cilat sot jepen falas nëpër arkat e shitoreve.
Marrëveshja e synuar do të vlejë vetëm për shitoret që shesin kryesisht artikuj ushqimorë.
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe