Ilustrim
Zhvillim
Zyrtarët kosovarë përfitojnë nga përvojat e transportit zviceran
Zëvendës-ministri i transportit i Kosovës, Fehmi Mujota me delegacionin do të vizitojë Qendrën e shkollimit të automjeteve në Yverdon-les-Bains në Kantonin Vaud si dhe Mobilcity në Bernë
Me iniciativën e kryetarit të Dhomës së tregtisë Zvicër-Kosovë, Stefan Sarkan dhe të kryetarit të Unionit Profesional të Automobilave – seksioni Vaud (UOSA – Vaud), Nicolas Leuba, si dhe të Konsullit të përgjithshëm të Kosovës në Gjenevë, Ramadan Avdiu, ditën e nesërme, e premte 5 maj 2017, zëvendës-ministri i transportit i Kosovës, Fehmi Mujota do të vizitojë Qendrën e shkollimit të automjeteve në Yverdon-les-Bains në Kantonin Vaud si dhe Mobilcity në Bernë. Në delegacion janë këshilltari i zv.mimistrit, Selim Ademaj, konsulli i përgjithshëm i Kosovës në Gjenevë, Ramadan Avdiu, i deleguari komercial i Konsullatës, Rexhep Bajraktari si dhe anëtari i Dhomës së Tregtisë Zvicër-Kosovë, Imri Limani, shkruan albinfo.ch duke iu rerefuar një komunikate të UOSA.
Qëllimi i këtyre vizitave është shkëmbimi i informatave mbi praktikat e mira në fushën e transportit dhe sensibilizimi i autoriteteve kosovare mbi shkollimin profesional në lëmin e automobilit. Trajnimi dual i cili ushtrohet në Zvicër, d.t.th. mes shkollimit klasik dhe përvojës profesionale, përmes trajnuesve përgjegjës, e ka dëshmuar efikasitetin e tij në këtë zanat.
Ideja e këtyre shkëmbimeve konsiston në faktin që adoleshentët kosovarë të munden të përfitojnë nga një sistem i tillë për t`u shkolluar në Kosovë, përmes investimeve në qendrat e shkollimit të degës së automobilit, transmeton albinfo.ch.Ky vend i ri duhet të bëhet autonom në plan të arsimimit dhe ekspertizës në këtë fushë.
Në suaza të kësaj vizite, delegacioni kosovar do të mund të njihet nga afër me qendrën e shkollimit të vazhdueshëm dhe superiore në fushën e automobilit, Mobilicity, në Bernë. Kjo qendër i përgatit kuadrot e ardhshme të kësaj dege, me tituj dhe diploma respektive profesionale federale.
UPSA-Vaud është e gatshme t`i shoqërojë autoritetet e Kosovës në procesin e krijimit të qendrave të ngjashme në Kosovë. Përfitimet do të kishin po ashtu edhe sigurimet zvicerane, sepse ato do të munden të llogarisin në një punë dore të kualifikuar për riparimin e veturave të regjistruara në Zvicër, në rast të aksidenteve në Kosovë.
Programi i vizitës së ditës së Premte 5 maj
08h30 Visita q Qendrës në Yverdon
10h30 Zhvendossja për në Bernë
11h00 Vizita e Mobilcity
13h00 Drekë
14h30 Fundi i takimit
www.mobilcity.ch www.agvs-upsa.ch
www.formation.upsa-vd.ch www.upsa-vd.ch
Info rreth ngjarjes
- Data e fillimit05 Maj 2017
- Ora08:30
- LokacioniYverdon dhe Bernë
- Data e përfundimit4 Maj 2017 - 15:00
Të tjera nga Zhvillim
E-Diaspora
-
Mërgimtari nga Suhareka vdes në një aksident tragjik në Itali Raportohet se Haris Shala është 25-vjeçari shqiptar që humbi jetën një ditë më parë në një...
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
-
8 filma nga Kosova dhe Shqipëria do të prezantohen në Festivalin e Filmit “goEast” 2024
Jeta në Zvicër
-
Zvicër: Thirrje për kujdes për personat që kanë vendosur tashmë goma verore Moti aktual kërkon goma dimërore. Prandaj, drejtuesit e mjeteve që kanë vendosur tashmë goma verore duhet...
-
Studim: Mirëqenia në Zvicër është rritur ndjeshëm në 30 vjetët e fundit
-
Lojë shpërblyese: Fitoni bileta për të shikuar njërin nga 27 filmat në Kino Kosova
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër