Kosova
40 vjet nga vrasja e Jusuf e Bardhosh Gërvallës dhe Kadri Zekës
Sot në Prishtinë u përkujtua jeta dhe vepra e vëllezērve Gërvalla dhe Kadri Zekës
17 janari i vitit 1982 do të mbetet përherë në kujtesën e shqiptarëve si data kur në një atentat të organizuar nga UDB-ja serbe në Gjermani u vranë 3 patriotët e aktivistët e çështjes kombëtare, Jusuf e Bardhosh Gërvalla dhe Kadri Zeka, shkruan Albinfo.ch.
Sot, në 40-vjetorin e vdekjes së tyre u mbajt një akademi përkujtimore në Prishtinë.
“Dyzet vjet me parë aktiviteti i tyre u ndal dhunshëm, por ata inspiruan shumë pas tyre. Tre heronjtë tanë u vranë nga UDB-ja e Serbisë. Sot përkulemi para tyre dhe jemi falënderues. Jusufi, Bardhoshi dhe Kadriu ishin kalitur me idenë e Kosovës Republikë. Prandaj Jusufi, Bardhoshi e Kadriu janë konsistentë dhe i kanë mbijetuar shumë zhvillimeve si patriotë e kishin të qartë se liria nuk është individuale. Në një letërkëmbim me shokët e burgut, lirinë e kishin të qartë. Të tre heronjtë u shuan me mall për Kosovën”, tha presidentja e Kosovës, Vjosa Osmani.
Derisa kryeministri Albin Kurti tha se vëllezërit Gërvalla e Kadri Zeka lanë gjurmë në historinë e Kosovës.
“Liria e Kosovës ka qenë ëndrra e përjetshme dhe përditshme e tyre. Ky vit shënon 40-vjetorin e atentatit nga UDB afër Shtutgartit në Gjermani. Vrasësit vazhdojnë të mos dihen, edhe pse organizatori dihej që në fillim, UDB-ja gjakatare. Besoj se ne këtu e ndajmë se shtetndërtimi ose më mirë për virtytin e shtetndërtimit është ajo marrëdhënie që duhet punuar. Në një përkujtim heroi, por atë si shtetndërtues si çlirimtarë. E kësaj here jemi mbledhur të kujtojmë dikë që na i ka lënë gjithë gjurmët. Këtu jemi për të kujtuar Jusuf Gërvallën, Kadri Zekën dhe Bardhosh Gërvallën”, theksoi Kurti.
Vrasja e veprimtarëve të Kosovës në ekzil, tash e 40 vjet ka mbetur e pazbuluar.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Së shpejti do të mund të merrni 2 litra lëngje me vete në bagazhin e dorës në aeroportin e Cyrihut Falë skanerëve të rinj CT, gjithnjë e më shumë aeroporte në Evropë po heqin rregullore të...
-
Mbi 60 trena shtesë drejt Ticinos gjatë fundjavave në maj
-
Pagat zvicerane rriten, por “u zbehën” nga inflacioni
-
Zvicra do të forcojë sigurinë në qendrat e azilit
-
Sa aktivë janë spiunët kinezë në Zvicër?