MARKETING

A jeni gati për të provuar diçka të re, kreative e dëfryese?

E martë, 15 Gusht 2023 - 9:00 albinfo.ch

Swiss Albanien professionals & entrepreneurs in Switzerland – CH-Apen ju fton më 2 shtator në restorantin e njohur Lake Side në Zürich.

Në skenë ju pret Fatmir Spahiu-Bufi, bashkë me artistin e dëshmuar, Ilir Prapashtica -Longari, me Stand-Up Comedy. Bendi i famshëm muzikor String String dhe Semira Latifi me Jazz & Blues nën tingujt e kitaristit e profesorit të muzikës, Driton Bejta.

Ngjarja do të zhvillohet në Zürich, në ambientet e restorantit „Lake Side“, i cili është i pajisur me infrastrukturën më moderne të kohës, i konceptuar për gala night evente që mund të sistemojnë një numër të lartë të musafirëve.

Organizatorët thonë ta kenë menduar mirë programin, i cili do të jetë kreativ, i kombinuar me muzikë tradicionale, Jazz & Blues, humor me Stand-Up Comedy dhe bashkëbisedim e njohje me sipërmarrës të suksesshëm në Zvicër.

Në natën e parë të këtij lloji të diasporës shqiptare ju do të mund të njiheni me sipërmarrës të suksesshëm përmes intervistave IN-time, të cilat do të përcjellen me surpriza të këndshme, të shkurtra, të talentëve të rinj shqiptarë në Zvicër. Intervistat IN-time do t’i drejtojë aktori më i kërkuar i skenës kosovare, Fatmir Spahiu-Bufi.