Autoritetet greke fillojnë transportimin e refugjatëve në Turqi

Kompanitë greke të anijeve, së bashku me forcat e ”Frontex”, do të fillojnë kthimin e refugjatëve në Turqi.

Tashmë është bërë gati edhe orari i anijeve, në të cilën shumë refugjatë me përcjellje të policisë do të transportohen nga Greqia në Turqi.

Kjo është pjesë e zbatimit të marrëveshjes mes BE-së dhe Turqisë. Greqia aktualisht ka rreth 30 mijë refugjatë.

Ndërkohë autostrada E75 nga Selaniku deri në kufirin mes Maqedonisë dhe Greqisë është bllokuar nga rreth 200 refugjatë nga një kamp në Sehovo (Idomeni).

Ata janë pranë një pompe benzine në Polikastro, kanë vendosur tenda në autostradë, duke bllokuar trafikun. Trafiku hekurudhor mes Selanikut dhe Gjevgjelisë u ndërpre për gati dhjetë ditë.

Në kamp kanë mbetur rreth 1000 refugjatë dhe emigrantë. Këto ditë autoritetet greke me autobusë po i kthejnë refugjatët në qendrat e paraburgimit në Nea Kavala, Veria dhe Katerini.