Lajme
8 nga 10 zviceranë udhëtojnë një orë për në vendin e punës
Para krizës së koronës, mesatarisht, zviceranët udhëtonin 14.5 kilometra dhe u duheshin 29.6 minuta për të shkuar në punë (në njërin drejtim)
80 përqind e zviceranëve nuk jetojnë dhe punojnë në të njëjtën komunë ose qytet. Shumicën e kohës zviceranët udhëtojnë për të punuar me makinë.
Para “epokës” së “zyrës nga shtëpia” (Home Office) dhe shkollimit nga shtëpia, zviceranët konsideroheshin si njerëz të udhëtimeve të gjata për në punë.
Siç tregojnë të dhënat mbi lëvizjen e udhëtarëve, të botuar nga Zyra Federale e Statistikave (BFS) të martën, 8 në 10 persona të punësuar në Zvicër, gjatë vitit 2019 ishin udhëtarë, shkruan watson.ch.
Mesatarisht, zviceranët udhëtonin 14.5 kilometra dhe u duheshin 29.6 minuta për të shkuar në punë, transmeton albinfo.ch. Ndërsa udhëtimi deri atje dhe mbrapa zgjat mesatarisht afërsisht një orë në ditë.
Punëtorët që udhëtojnë më shpesh shfrytëzojnë makinat e tyre për të arritur në vendin e punës. Me 51 për qind, makina është ende mjeti më i rëndësishëm i transportit për ta. Pastaj vjen në radhë treni (17 për qind) dhe transport publik në trafikun rrugor (14 për qind).
Vetëm afërsisht çdo i dhjeti udhëtar (9 për qind) mund të shkojë në punë në këmbë.
Janë gjithsej 3.6 milionë njerëz në Zvicër që udhëtojnë për në vendin e tyre të punës, përcjell albinfo.ch. 71 për qind e tyre jashtë komunës së tyre të banimit. Në vitin 1990 ishin 59 për qind ata që duhej të kalonin kufijtë e komunës për të shkuar në punë.
“Krahasimi i kantoneve tregon se kantonet Basel-Stadt dhe Zug, në proporcion me madhësinë e tyre, tërheqin më së shumti punonjës-udhëtarë nga kantonet e tjera”, shkruan BFS. Anasjelltas, më së shumti njerëz për në vendin e tyre të punës udhëtojnë nga kantonet Schwyz dhe Baselland.
E-Diaspora
-
Blick: Shaqiri dëshmon sërish pse Zvicra nuk mundet pa të Gazeta zvicerane shkruan se nëse ka pasur dyshime që Përfaqësuesja e Zvicrës në futboll nuk bën...
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane