Maqedonia

Ditë produktive, investim 130 milionë euro në përvjetorin e Marrëveshjes së Ohrit

Imvestimi do të stimulojë inovacionin dhe kapacitetin prodhues vendis dhe do të mundësojë hapjen e 890 vendeve të reja të punës.

Zëvendëkryeministri i Maqedonisë së Veriut, Artan Grubi e ja quajtur produktive ditën e përvjetorit të Marrëveshjes së Ohrit!

Në një postim në Facebook ai ka thënë se bashkë me kryetarin e BDI-së Ali Ahmeti, kryeministrin Kovaçevski, afaristin e mirënjohur Lazim Destani dhe kolegët ministra u vendos gurëthemeli i fabrikës për prodhimin e veturave elektrike e.GO në Zonën e lirë ekonomike në Tetovë, raporton Albinfo.ch.

“Investim prej 130 milionë euro që ka përkrahjen financiare edhe të Qeverisë që padyshim se do të stimulojë inovacionin dhe kapacitetin prodhues vendis dhe do të mundësojë hapjen e 890 vendeve të reja të punës”, ka shkruar Grubi.

Me rastin e vënies së gurëthemelit, investitori Lazim Destani ka thënë se është obligim i investitorëve, sidomos nga diaspora, që të investojnë në rajon.

“Gjithmonë i kam kërkuar bordit të kompanisë dhe grupeve te bizneseve që investimet në trojet tona të jenë largpamëse. Të mos krijojnë konkurrencë por të sjellin risi, t’i shërbejnë të ardhmes dhe qëndrueshmërisë. Afaristët, sidomos investitorët nga diaspora, e kanë për obligim të realizojnë investime në rajonin tonë”, tha Destani./Albinfo.ch