Dogana zhvendoset në pikën kufitare “Glloboçicë”

Rruga Kaçanik-Hani i Elezit, do të vazhdojë të jetë e bllokuar dhe për këtë Ministria e Financave ka marrë vendim që të zhvendoset përkohësisht dogana në pikën kufitare “Glloboçicë”.

Ministri i Infrastrukturës, Pal Lekaj, ka thënë se ka biseduar edhe me ministrin për Transport dhe Lidhje të Maqedonisë, Goran Sugareski, me të cilin do të takohen për të koordinuar punët në dy anët e kufirit, përcjell albinfo.ch.

Mbyllja e rrugës, sipas tij, është e nevojshme për sigurinë e qytetarëve. Punimet pritet të zgjasin të paktën një muaj.