Integrimi
Driton Emini, udhëheqës i projektit të rrjetit 5g të “T-Mobile” në Austri
Ky projekt madhështor është i pari në Evropë dhe arrihet një herë në dhjetë vite
Menaxheri i suksesshëm shqiptar në Austri, Driton Emini ka qenë udhëheqës i projektit të rrjetit 5 g të lansuar të martën në Austri nga kompania telefonike “T-Mobile” në Austri. Ky projekt madhështor është i pari në Evropë dhe arrihet një herë në dhjetë vite.
Kompania telefonike “T-mobile” në Austri javën e kaluar ka lansuar standardin e ri të internetit 5g për telefonat mobil. Ky projekt është i pari në Evropë, ndërsa fillimisht është duke u implementuar në 17 vendbanime të 5 vendeve administrative federale (Bundesländer) të Austrisë. Mediat vendore në Austri dhe ato ndërkombëtare prej ditësh i kanë dhënë jehonë të madhe implementimit të këtij projekti. Ndërkaq, prapa gjithë këtij suksesi, gjendet shqiptari, Driton Emini.
Menaxheri me prejardhje nga Gjilani, është shef i departamentit të rrjetëzimit në kompaninë „T-Mobile“ në Vjenë të Austrisë. Ai është shumë i lumtur për arritjen e këtij suksesi sepse projekti nuk ka qenë vetëm i „T-Mobile Austria“ por për gjithë grupin e telekomit gjerman.
“Aktivitetet tona ne i kemi filluar para një viti me testimin e 5G në Innsbruck, ku për herë të parë është arritur dirigjimi i një droni përmes rrjetit 5G”, tregon Driton Emini për “albinfo.ch”.
“Puna që kemi bërë më bën shumë krenar mua dhe grupin tim, pasi që më të vërtetë kemi shkruar histori në telekomunikacion, duke qenë të parët në Evropë dhe duke e bërë Austrinë si shtetin pionier për 5G”, shprehet ai.
Në ceremoninë e lansimit, të pranishëm ishin edhe: Kancelari austriak, Sebastian Kurz, ministri i Infrastrukturës, Norbert Hofer, minstrja e Ekonomisë, Margarete Schramböck si dhe drejtori I “T-Mobile”, Andreas Bierwirth e personalitete të tjera nga politika dhe kompania “T-Mobile” e Austrisë dhe grupit të telekomit gjerman.
“Ky ka qenë projekti më i rëndësishëm në karrierën time profesionale. Lansimi i një teknologjie të re si kjo, ndodhë një herë në dhjetë vite”, nënvizioi eksperti Emini për “albinfo.ch”.
Driton Emini theksoi se projekti i i tij i radhës do të jetë zhvillimi i Use Cases për 5G me qëllim të digjitalizimit të Austrisë dhe Evropës.
Albinfo.ch prej vitesh ka përcjell sukseset e zotëri Eminit në Austri. Një portret më të detajuar për punën dhe veprimtarinë e bashkatdhetarit tonë, mund ta lexoni në këtë link:
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane