Edhe Chelsea pas Mustafit

Valencia e ka refuzuar ofertën e Arsenalit për shërbimet e mbrojtësit shqiptar Shkodran Mustafi. Lajmi bëhet i ditur nga ‘goal.com’, që raporton se klubi anglez ka ofruar 18 milionë euro për Mustafin, shkruan albinfo.ch.

‘Topçinjtë’ duan të përforcohen me një qendërmbrojtës pas lëndimit të Per Mertesackerit, dhe Mustafi shihet si një lojtar ideal për këtë pozitë nga Wenger. Valencia për shërbimet e Mustafit kërkon 25-30 milionë euro.

Megjithatë, është Chelsea që raportet se ka plotësuar kërkesat e Valencias dhe mund të transferojë mbrojtësin shqiptar. Trajneri Antonio Conte kërkon një qendërmbrojtës dhe pasi nuk arritën ta blejnë Bonuccin, mbrojtësi Shkodran Mustafi, mund të jetë futbollisti ideal për londinezët.