Finalja me tre shqiptarë në Eurovision

Eugent Bushpepa përfaqëson Shqipërinë, Eleni Fureira e përfaqëson Qipron dhe Ermal Meta është përfaqësues i Italisë

Sonte do të zhvillohet finalja e Eurovisionit, ku për herë të parë në garë do të jenë edhe tre shqiptarë, shkruan albinfo.ch.

Fillimisht siguruan finalen dy këngëtarët Eugent Bushpepa dhe Eleni Fureira në natën e parë gjysmëfinale, shqiptari tjetër Ermal Meta i ka pritur për në finalen e madhe që do të zhvillohet mbrëmjen e së shtunës në Lisbonë nga ora 21:00.

E pas shqiponjës mes Eugent Bushpepës dhe Eleni Fureiras një tjetër “shqiponjë” është shfaqur në Lisbonë, këtë herë mes Eugent Bushpepës dhe Ermal Metës që përfaqëson Italinë.

Ka qenë ky i fundit që ka postuar foton në rrjetet e tij sociale, si edhe bashkangjitur me të ka qenë edhe një foto që ai ka realizuar me Eleni Fureira, e cila në këtë Eurovision përfaqëson Qipron.