Zhvillim
Deçani ua hap dyert arkitektëve zviceranë
Komuna e Deçanit ka ofruar njërën nga lagjet e qytetit për të promovuar izolimin termik të ndërtesave në renovim apo në ndërtim, nga ana e ekspertëve zviceranë
Komuna e Deçanit është e gatshme për të bashkëpunuar ngushtë me ekspertët zviceranë për çështjen e izolimit të ndërtesave. Madje kjo komunë ka ofruar njërën nga lagjet e qytetit për të promovuar izolimin termik të ndërtesave në renovim apo në ndërtim.
Kështu deklaroi për “albinfo.ch” kryetari i Komunës së Deçanit, Rasim Selmanaj.
“Është iniciativë e mërgimtarëve që vijnë nga kjo anë, që realisht na ka mundësuar t’i takojmë këta ekspertë nga Zvicra. Ata prezantuan idetë e tyre, ndërsa ne shprehem të gatshëm për të bashkëpunuar me ta”, deklaroi kryetari Selamanaj, duke u shprehur i kënaqur që Deçani do të jetë shembulli për prezantimin e këtyre ideve.
Ai këtë deklaratë i dha pas një takimi që zhvilloi me një ekip ekspertësh zviceranë që po qëndrojnë në Kosovë, në përbërje: Guillaume Morsier dhe Valentin Kunik arkitektë dhe drejtues të byrosë së arkitekturës, “Kunik de Morsier Architecte“ dhe ekspertë në ndërtimin e energjisë dhe të mjedisit, njëherësh autorë të një studimi krahasues mes ndërtesave në Zvicër dhe Kosovë në fushën e banimit, një profesor i Universitetit të Friburgut, Thierry Ursenbacher, si dhe studenti Nolan Stauffer, i cili po magjistron në fushën e energjisë (Master of Sicence HES-SO in Engineering) në këtë universitet.
Kjo vizitë zhvillimore në Kosovë, konkretisht në Deçan dhe Junik, është mundësuar nga Albinfo.ch si partner i projektit dhe sponsor medial.
Qëllimi i këtij udhëtimi është zhvillimi i një projekti, i cili do të favorizonte izolimin termik të ndërtesave, shtëpia apo ndërtesa publike, në renovim apo në ndërtim.
“Komuna e Deçanit është njëra nder komunat e para që ka përfituar nga ky prezantim i projektit ku pritet që brenda 6 muajve të ardhshëm të përzgjidhen disa shtëpi në komunën e Deçanit, të ndara në disa lagje që të praktikohet edhe puna e këtyre arkitektëve dhe të jetë model për qytetarët tjerë se si kursehet energjia elektrike dhe ngrohja solare”, deklaroi Yllarta Thaqi, zyrtare për informim në Komunën e Deçanit.
Ndërsa kryetari Rasim Selmanaj tha se Deçani do ta ofrojë një lagje si model ku ekspertët zviceranë do ta prezantojnë izolimin e shtupimeve dhe me pas, kjo ide termike për ngrohjen e shtëpive të realizohet në gjithë Kosovën.
“Ne i hapëm dyert sepse ka një kosto shumë më të vogël për qytetarët dhe natyrisht kursimin për ngrohje”, tha mes tjerash Rasim Selmanaj, duke u shprehur po ashtu i kënaqur që ekspertët zviceran e kanë zgjedhur komunën e Deçanit para komunave të tjera në Kosovë.
Ndryshe, ky grup ekspertësh gjatë kësaj vizite do të takojë zyrtarë vendës të ndryshëm, të cilët mund të jenë të gatshëm apo të interesuar për të rinovuar, ndërtuar shtëpi ose ndërtesa publike me qëllim që të zvogëlojnë shpenzimet për energji (si p.sh. për ngrohje), duke përmirësuar komoditetin si dhe për të inkurajuar projekte ekologjike në Kosovë.
Ky projekt synon të mbledhë dhe të punësojë arkitektë, ndërtues, kontraktorë të ndërtimit, përgjegjës të shoqatave apo bankave të mikrokredive, banorët e Deçani, etj.
E-Diaspora
-
Blick: Shaqiri dëshmon sërish pse Zvicra nuk mundet pa të Gazeta zvicerane shkruan se nëse ka pasur dyshime që Përfaqësuesja e Zvicrës në futboll nuk bën...
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
Jeta në Zvicër
-
FMN: Zvicra duhet të forcojë kontrollin e sektorit të saj financiar Zvicrës i duhen “reforma të forta të sektorit financiar” pas shpëtimit të Credit Suisse nga UBS...
-
Numri i zviceranëve në mbarë botën u rrit me 1.7% në vitin 2023
-
Shtohet edhe një milioner në Zvicër: Fiton Jackpot-in 2.6 milionë franga
-
Zvicër: Marsi ishte për 2 gradë më i nxehtë
-
Pritet shumë trafik gjatë fundjavës së Pashkëve