Feja
Njoftim lidhur me faljen e Fitër Bajramit në Zvicër
Unioni i Bashkësive Islame Shqiptare në Zvicër ka dalur me një njoftim lidhur me faljen e Fitër Bajramit dhe hapjen e xhamive në Zvicër
Paralajmërimi që erdhi nga Këshilli Federal i Zvicrës , që me 28 maj 2020 do të mund të hapen sërish xhamitë në Zvicër është një lajm i mirëpritur nga Unioni i Bashkësive Islame Shqiptare në Zvicër.
“Shpresojmë që, gradualisht, do të hiqen sa më shpejt të gjitha masat që ende janë në fuqi, të cilat kanë përqëllim parandalimin e mëtejmë të përhapjes së virusit Covid-19. Në fuqi mbeten ende mbajtja e distancës prej 2 metrash, dezinfektimi i duarve dhe në përgjithësi kujdesi i veçantë për higjienën.”, thuhe në njoftim më tutje.
Lexoni njoftimin e plotë të Unionit të Bashkësive Islame Shqiiptare në Zvicër:
“Të nderuar vëllezër, ju lusim që të kemi kujdes në këto pika:
Kryesia e DAIGS ju njofton se dita e parë e Fitër-Bajramit është të dielën, më 24 maj 2020.
Për hapjen e institucioneve fetare, të gjitha xhamitë do të duhet të pajisen me Konceptin mbrojtës (Schutzkonzept), pa të cilin nuk është e mundur hapja e tyre. Ky koncept, praprakisht, pritet të aprovohet nga Këshilli Federal zviceran (Bundesrati) dhe këto ditë do të duhet të jetë në dispozicion të kryesive të xhamive tona. Koncepti është në përgatitje e sipër nga FIDS, ku edhe ne si DAIGS jemi të involvuar në përpilim të tij. Për më shumë detaje, do të informoheni në fillim të javës që vjen.
Sa i përket faljes së namazit të Fitër-Bajramit, kësaj radhe nuk do të ketë mundësi që të falet nëpër xhamitë tona apo në sallat e zakonshme, për shkak të masave që ende janë në fuqi. Po ashtu, sipas mendimit zyrtar të shkollës sonë juridike hanefite, namazi i Bajramit nuk mund të falet as edhe në shtëpi, por ne ju sugjerojmë me sa vijon: Të falet namazi i sabahut në gjirin familjar, imamët të mbajnë derse apo program fetar nga xhamia dhe pastaj të emetohet live, kurse xhematet tona, në shtëpitë e tyre, do të gjallërojnë bajramin me tekbire, lutje dhe salavate, dhe si zavendësim të namazit të Fitër-Bajramit, mund të falin ndonjë namaz nafile, sikur që është namazi i duhasë, prej dy reqatesh e më shumë.
Ju rikujtojmë edhe njëherë se shëndeti i njerëzve është me prioritet të lartë dhe se nuk duhet të lejojmë që xhamitë tona të shëndërrohen në vatra dhe mjedise të përhapjes së sërishme të virusit covid-19.
Ndërsa, për çështjen e Fitrave të Ramazanit, do të veprojmë sikur që kemi vepruar edhe viteve të kaluara, duke i destinuar në medresetë tona në vendlindje.
Të respektuar vëllezër, kryesia e DAIGS ju uron juve dhe xhemateve tuaja festën e Fitër-Bajramit, duke mbetur me shpresë e duke lutur All-llahun xh.sh. që ta pranojë agjërimin tonë dhe të gjitha ibadetet e tjera të realizuara gjatë muajit të Ramazanit.”, thuhet në njoftimin e Kryesisë së DAIGS në Zvicër.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
Jeta në Zvicër
-
Bie numri i sulmeve në bankomatë Numri i sulmeve ndaj bankomateve në Zvicër pothuajse është përgjysmuar brenda një viti. Policia federale regjistroi...
-
Cyrihu po teston airbag-ët për tramvaj
-
Rritet vjedhja e biçikletave elektrike në Zvicër
-
Gjeneva, më e pasur
-
Gjenevë: Vjedhjet e biçikletave – zgjidhen rrallë