Kosova
Policia e Kosovës pas aksidenteve të fundit apelon për kujdes në komunikacion
Pas një aksidenti në suharekë, ku një familje prej 5 anëtarëve nga Zvicra, humbën jetën pasi u ndeshën me një autobus dhe një gruaje e cila vdiq pasi u godit me veturë, Policia e Kosovës kërkon kujdes të shtuar në trafik.
Referuar gjendjes aktuale në trafikun rrugor, e në veçanti dy aksidenteve të fundit të shkaktuara gjatë vikendit, ku për pasojë fatkeqësisht humbën jetën gjashtë persona, pesë në aksidentin në Suharekë dhe një në Shtime Policia e Kosovës me qëllim të ngritjes së sigurisë në trafikun rrugor, ngritjes së vëmendjes për një kujdes më të shtuar për të gjithë pjesëmarrësit në trafik, në vazhdimësi ndërmerr veprime policore, të cilat kontribuojnë në ngritjen e nivelit të sigurisë në trafik.
Me anë të një video- incizimi, Zëdhënësi i Policisë, Baki Kelani ka kërkuar nga të gjithë pjesmarrësit në trafik që të kenë kujdes dhe të kontribuojnë në sigurinë e të tjerëve, shkruan Albinfo.ch.
Sipas Kelanit, edhe pse gjatë këtij gjashtëmujori është evidentuar rënie e aksidenteve fatale për (-19.61 %), ndërsa rënie në total të aksidenteve prej (-13.25%), shqetësuese ende mbetet humbja e vetëm edhe një jete në trafik.
“Policia e Kosovës, me qëllim të reduktimit të aksidenteve në tërësi, e në veçanti të atyre me pasoja fatale, në vazhdimësi kërkon dhe njëherit apelon tek të gjithë pjesëmarrësit në trafik, në veçanti te drejtuesit e automjeteve, që të jenë të kujdesshëm dhe sa më vigjilentë gjatë drejtimit të automjeteve të tyre, duke respektuar në tërësi të gjitha rregullat dhe dispozitat ligjore”, ka thënë Kelani.
Po ashtu, policia ka kërkuar që posaçërisht në këtë periudhë kohore, ku kemi shtim të qarkullimit rrugor, e po ashtu të reshura më të mëdha të shiut, të cilat mund të ndikojnë në kufizim të dukshmërisë dhe qarkullimi nëpër rrugë mund të vështirësohet, pjesmarrësit në trafik të kenë kujdes.
Profili i kompanisë
- Adresa: Maggenbergsstrasse1 1712 Tafers
- Aktiviteti: Plâtrerie peinture
- Tel: 079 129 56 66
E-Diaspora
-
Bëhet publike agjenda e Forumit shqiptaro-zviceran në Gjenevë Më 19 prill do të flasin figura më të njohura të ndërmarrsëve shqiptarë te ndërtimit, financave...
-
Nga 1 maji, filmi kosovar-zviceran “The Land within”, në kinematë e Zvicrës
-
Rixhil Agushi, shqiptare nga RMV, zgjidhet kryetare e Parlamentit të qytetit Schlieren
-
Xhaka do të mbetet te Leverkuseni
-
Gjykata Federale “dëbon” kosovarin, edhe pse ka jetuar 28 vjet në Zvicër
Jeta në Zvicër
-
Në cilën prej komunave zvicerane jetohet më mirë? Çiftet me të ardhura të larta pa fëmijë mund të kursejnë 40,000 franga duke kaluar nga...
-
Parlamenti dëshiron të ndalojë simbolet ekstremiste në publik
-
Fedpol: Mafia është e konsoliduar në Zvicër
-
Rritet numri i rasteve me zgjebe në Zvicër
-
Gjeneva nxjerr në ankand targa unike