Lajme
Vetëm Belgjika “ia kalon” Zvicrës me incidencë të koronavirusit
Zvicra ka incidencën 1166, Gjermania 280, Italia 680, Franca 970 në 100 mijë banorë. Vetëm Belgjika me 1300 ka incidencën më të lartë se Zvicra
Një krahasim evropian tregon se Zvicra ka një incidencë shumë të lartë të rasteve me koronavirus. Incidenca 14-ditore për 100.000 banorë është 1166, thotë Thomas Kuster nga BAG në konferencën për media që po vazhdon të mbahet në këto çaste në Bernë.
“Një javë më parë ishte 1068. Numri i infeksioneve të reja ka rënë pak, por numri i pranimeve në spital mbetet relativisht i lartë, edhe pse ka një ulje të vogël. “Numri i rasteve mbetet i lartë, situata mbetet shqetësuese sa i përket ngarkimit të sistemit shëndetësor” thotë Kuster.
Si shembuj krahasimi: Gjermania ka një incidencë prej 280, Italia 680, Franca 970, transmeton albinfo.ch. Vetëm Belgjika, me 1300 raste, ka incidencën më të lartë se Zvicra.
Sikurse edhe deri më tani, Zvicra Perëndimore vazhdon të preket më rëndë. Në nivelin kombëtar, megjithatë, ekziston një tendencë e rrafshimit të kurbës, u tha në konferencë.
Numri i rasteve dhe shtrimet në spital duhet të ulen ndjeshëm në mënyrë që situata të qetësohet, thotë Kuster. Prandaj është ende herët të thuhet nëse masat e miratuara nga Këshilli Federal kanë shkaktuar një ndryshim të trendit.
Kuster me këtë rast i është referuar një deklarimi optimist që një ditë më parë, e kishte bërë ministri i shëndetësisë, Alain Berset. Sipas tij, ulja e shifrave gjatë fundjavës, mund të merret si “inkurajuese”.
Qëllimi është që numri i riprodhimeve të arrihet nën 1, ka thënë më tutje Kuster.
Të ngjashme
Të tjera nga Lajme
E-Diaspora
-
Shkolla shqipe në SHBA, me qindra nxënës shqiptarë Shkolla Shqipe e fundjavës themeluar në janar 2009 nga një grup mësuesësh e vullnetarësh, pranë qendrës...
-
Mbahet takimi i Kolegjit të kirurgëve të Kësovës me kirurgët nga mërgata
-
Irlandë: Ekspozitë nga artisti shqiptar, Azem Koleci
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria
-
Hana nga Zvicra, Perla që u zbukuron gëzimet tuaja
Jeta në Zvicër
-
Ndërprerje e transportit publik në Gjenevë Priten ndërprerje të mëdha në linjat 15 dhe 17 të rrjetit të TPG gjatë një pjese...
-
Numër rekord i turistëve amerikanë në pistat zvicerane të skive
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria
-
Hana nga Zvicra, Perla që u zbukuron gëzimet tuaja
-
Pensioni i 13-të i AHV-së do të financohet nga kontributet e punonjësve ose nga një rritje e TVSH-së