Gjithnjë e më shumë kolona automjetesh në autostradat e Zvicrës

Kolonat e automjeteve në autostradat në Zvicër kanë vazhduar të zgjaten, edhe pse Qeveria e Zvicrës ka investuar vitin e kaluar gati dy miliardë franga zvicerane në zgjerimin dhe mirëmbajtjen e rrjetit rrugor kombëtar.

Në rrugët nacionale të Zvicrës më shumë kilometra janë zgjatur sërish vitin e kaluar. 26.89 miliardë kilometra janë regjistruar vitin e kaluar, që nëse krahasohet me vitin paraprak, bëhet fjalë për një rritje prej 1.9 për qind. Me rritjen e trafikut rrugor, është rritur edhe numri i orëve të qëndrimit në kolona (stau)  për 4.6 për qind.

Siç ka njoftuar Zyra Federale për Rrugë (Astra), mbipopullimi, aksidentet dhe vendet e ndërtimit janë disa nga shkaktarët e kolonave nëpër rrugët e Zvicrës.

Në veçanti është paralajmëruar që bllokimet e trafikut për shkak të shesheve të ndërtimit të reduktohet në masë të madhe deri 32 për qind.

Pjesa më e madhe e kolonave ishin krijuar në rrugët nacionale. Kolonat e automjeteve morën 42.8 për qind të kohës në trafik, edhe pse ata përbëjnë vetëm 2.5 për qind të rrjetit të rrugëve në Zvicër.

Vitin e kaluar Qeveria e Zvicrës ka investuar 1.95 miliard franga në rrjetin e rrugëve nacionale. 1.24 miliard franga do të shpenzohen për zgjerimin dhe mirëmbajtjen e rrjetit ekzistues.

Më shumë 630 milionë franga kanë shkuar si pjesë e kompletimit të rrjetit në rrugëve të reja dhe 75 milionë franga janë shpenzuar në heqjen e pengesave.