Gripi në Zvicër arrin kulminacionin e përhapjes

Gjatë javës që shkoi janë realizuar 338 vizita mjekësore në 100 mijë banorë ndërsa në javën pararendëse kanë qenë 328 sish

Epidemia e gripit në Zvicër duket se për këtë sezon ka arritur kulminacionin e vet. Sipas Zyrës Federale të Shëndetësisë, numri i vizitave mjekësore të njerëzve të prekur nga gripi, të bëra gjatë javës së kaluar, ka pasur një rritje të vogël. 

Në të vërtetë gjatë asaj jave janë realizuar 338 vizita mjekësore në 100 mijë banorë ndërsa në javën pararendëse kanë qenë 328 sish.

Grupmoshat më të prekura nga gripi janë ato të femijëve dhe nxënësve të moshës deri 14 vjeçare. Por epidemia e gripit ka shënuar rënie në të gjitha moshat përveç te personat mbi 65 vjeçarë.

Po kështu, epidemia e gripit është e përhapur në të gjitha regjionet, ndërsa në Zvicrën veriperëndimore dhe në atë qendrore po regjistrohet një rritje e saj.