“Hallo Swiss», pasaportë integrimi në Zvicër

"Pasaporta e integrimit" u dedikohet gjermanëve, nga kjo javë janë shtypur 1 mijë kopjet e para.

Për këtë është kujdesur Matthias Estermann, i cili ka emigruar nga Gjermania në Zvicër prej vitit 2004. “Për shkak se është aq e bukur dhe për shkak se këtu mund të fitojmë pak më shumë para me relativisht pak përpjekje”. Ai ka punuar si një konsulent integrimi që do të lehtësonte ardhjen e bashkatdhetarëve të tij në Zvicër.

Sepse shumë nga të sapoardhurit zakonisht kanë të njëjtat probleme, Estermann tani është duke sjellë një libër me të dhënat më të rëndësishme për gjermanët dhe austriakët në Zvicër. Broshura është këtu në madhësinë dhe pamjen e pasaportës zvicerane, e për këtë arsye është quajtur “Hallo Swiss”.

“Të gjithë janë në të njëjtën situatë: ju vini në një vend të ri me një kontratë të re dhe me sistemin ligjor dhe kulturën e vet”, thotë Estermann, shkruan 20 min, përcjell albinfo.ch. Emigrantët duhet të jenë të kujdesshëm për shumë gjëra që nuk harrohen lehtë: sigurimi shëndetësor, sigurimi i importit të makinave, regjistrimi i serishëm i patentë shoferit, llogari bankare zvicerane, dhomë “Hort” për fëmijët.