Haradinaj pret Zaevin në shtëpinë e tij

Kryeministri i Kosovës, Ramush Haradinaj ka pritur sot në shtëpinë e tij kryeministrin e Maqedonisë, Zoran Zaev.

Haradinaj këtë e ka bërë të ditur përmes një postimi në llogarinë e tij personale në “Facebook”, ku ka shkruar se ka pritur homologun e tij maqedonas, Zoran Zaev dhe bashkëshorten e tij, përcjell albinfo.ch.

“Bashkë me Anitën, mirëpritëm në shtëpinë tonë mikun dhe homologun tim maqedonas, Zoran Zaev, me bashkëshorten e tij, Zorica, me dëshirën që miqësia jonë të reflektojë në marrëdhëniet ndërmjet dy vendeve dhe popujve tanë”, ka shkruar kryeministri i Kosovës në rrjetet sociale.