Hoti kërkon zgjedhje të reja në Kosovë, dëbimi i turqve i papranueshëm

Shefi i Grupit Parlamentar të LDK-së, Avdullah Hoti, e ka quajtur skandaloz vendimin për dëbimin e gjashtë shtetasve turq ditën e enjte.

Ai tha se nuk janë respektuar procedurat për dëbimit e tyre, se ata kanë pasur leje qëndrimi dhe se nuk kanë shkelur ligjet në Kosovë, përcjell albinfo.ch.

“Kërkojmë përgjegjësi institucionale dhe personale, për strukturën komanduese”.

“Kjo tregon se kryeministri nuk ka kontroll mbi qeverinë, policinë dhe institucionet tjera. Dje gjashtë shtetas turq janë dëbuar pa asnjë bazë ligjore”, është shprehur Hoti në adresimin e tij në Kuvendin e Kosovës.

Hoti ka deklaruar se kjo ngjarje ka krijuar një situatë të re dhe se partitë politike duhet të ulen dhe të dakordohen për datën e mbajtjes së zgjedhjeve.