Korriku shënon rritje të lehtë të papunësisë

Krahasuar me muajin korrik të vitit të kaluar, numri i të papunëve tregon një rënie prej 5.384 personash (-3,9%)

Sekretariati i Shtetit për Ekonomi (Seco) njofton rritjen e papunësisë për 323 persona në korrik. Por, shkalla e papunësisë mbetet në 3%.
Numri i të papunëve në Zvicër është rritur pak në korrik, pas pesë muaj rënieje. Ai është rritur për 323 persona në krahasim me muajin qershor, për të arritur në 133.926. Shkalla e papunësisë mbetet e pandryshuar, 3% e fuqisë punëtore.

Shkalla e papunësisë mbetet e palëvizshme edhe me nivelin më të ulët që nga vera e 2015-ës (gusht dhe korrik). Sa për kujtesë, ajo ishte ende në 3.7% në muajin janar. Krahasuar me muajin korrik të vitit të kaluar, numri i të papunëve tregon një rënie prej 5.384 personash (-3,9%), tha të martën Sekretariati i Shtetit për Çështje Ekonomike (SECO).

Më shumë të rinj

Papunësia e të rinjve, shumë e analizuar, është rritur gjatë muajit korrik për 1.555 persona në krahasim me muajin paraprak, pra një rritje prej 2.8% të fuqisë punëtore në fjalë. Ndryshimi pasqyron ardhjen në tregun e punës të individëve, të cilët sapo kanë përfunduar trajnimin dhe kanë kërkuar punë.

Numri i vendeve të lira të shpallura në zyrat rajonale shënon 214 vende më pak se në korrik 2016, tregon SECO në një deklaratë.
Neuchâtel mbetet vendi që ka shfaqur shkallën më të lartë të papunësisë.

Një rritje e papunësisë për muajin  korrik shënohet edhe në pesë prej gjashtë kantoneve frankofone. Vetëm Valais kishte një rënie të vogël të numrit të të papunëve, në 5005 (- 34), për një normë papunësie të pandryshuar.

Kantoni i Neuchâtel-it mbetet vendi që ka shfaqur shkallën më të lartë të papunësisë, me 5.3%.  Menjëherë pas, Gjeneva ruan një koeficient prej 5.1% me një numër prej 12.044 të papunësh.

Cyrihu dhe Berna kanë shënuar stabilitet, asnjë ndryshim i theksuar.

Shkalla më e ulët e papunësisë është regjistruar në kantonin e Urit, me 0.7% (-0.1 pikë). Komuniteti i vogël i Zvicrës Qendrore ka vetëm 129 veta të papunë.