Kotzias: Shpresoj për një marrëveshje me Shqipërinë deri në qershor

Ministri i Jashtëm grek, Nikos Kotzias ka shprehur optimizmin e tij për arritjen e një marrëveshjeje me Shqipërinë lidhur me kufirin detar.

“Shpresoj deri në fund të majit të kemi një marrëveshje. Në mos në fund të majit, në fillim të qershorit”, ka theksuar ministri i Jashtëm grek në një intervistë për televizionin SKAI.

Kotzias më tej ka shtuar se pas përfundimit të negociatave me Shqipërisë, Greqia do të nisë negociatat me Italinë. Edhe pse ka një marrëveshje që nga viti 1977, disa prej zonave detare midis të dy vendeve nuk janë delimituar ende, përcjell albinfo.ch.

Por Kotzias është shprehur skeptik nëse do të mund të arrihet një marrëveshje me Maqedoninë për emrin deri në samitin e NATO-s. “Nuk është një afat i arritshëm”, ka vlerësuar ministri i Jashtëm grek.