Teatër

“Studio Aktrimi” kthehet në skenë me shfaqjen “Cili është idioti”

Shfaqja jepet më 1 prill 2022 në Feldkirch (St.Gallen), me fillim në orën 19.30

“Studio Aktrimi”, Cyrih kthehet në skenë me shfaqjen e suksesshme “Kush është idioti” të autores Muza Pavlova.  “Pas një kohe të gjatë si pasojë e gjendjes pandemike, “Studio Aktrimi” pas lehtësimit te masave kunderpandemike, ka vendosur që të rikthehet në skene dhe te takohet sërish me publikun tonë të mrekullueshëm qe per vite të tëra na mbeshtet dhe duartroket”.

Kështu shkruan në një postim në facebook Ramadan Morina, në emrin e “Studio Aktrimi”.

Morina më tutje  thotë për albinfo.ch se synim i kësaj trupe teatrore është që shfaqja të jepet edhe në disa qytetet të tjera të Zvicrës.

Ai me këtë rast falënderon Shoqatën Kulturore “Sharri” e cila “ishte këmbëngulëse që këtë rikthim ta nisim nga ambientet e sallës së shoqatës”, vazhdon njoftimi.

“Ju lutemi që për shkak të kërkesave të shumta të shfrytëzoni numrin e telefonit që është ne pllakat për të bërë me kohë rezervimet!”, thuhet në fund të njoftimit.