Më 7 maj bëhet promovimi i tre librave dhe shtatë teksteve didaktike

Lidhja e Arsimtarëve dhe Prindërve Shqiptarë “Naim Frashëri” në Zvicër njofton se, më 7 maj 2022, prej orës 15.00,

në ambientet e Ambasadës së Republikës së Kosovës në Bernë, Zähringerstrasse 25, 3012 Bern, bëhet promovimi i tre librave dhe shtatë teksteve didaktike.

Në këto tri botime paraqitet puna e shumë arsimdashësve, të cilët mundësuan organizimin dhe mbajtjen e mësimit plotësues në gjuhën shqipe në Zvicër për më se tri dekada.

Gjithashtu do të bëhet promovimi i shtatë teksteve didaktike të përkthyera në gjuhën shqipe, të botuara nga Qendra IPE (International Projects in Education) e Shkollës së Lartë Pedagogjike të Cyrihut, të cilat e përkrahin ngritjen e cilësisë së mësimit në gjuhën shqipe si dhe ndërlidhjen me mësimin e rregullt.

Në këtë promovim, i pranishëm do të jetë edhe anëtari i nderit i LAPSH-së, Prof.Dr.Dr. Basil Schader, gjermanist, albanolog, udhëheqës i projektit të serisë «Materiale për mësimin në gjuhën e prejardhjes» si dhe autorët e monografive dhe bashkëpunëtorët e librit jubilar për LAPSH-në.

Pas përfundimit të promovimit do të ofrojmë një koktej për të pranishmit ku do të kemi mundësinë të bashkëbisedojmë.

Gëzohemi shumë që do të jemi bashkë

Hamzë Morina, Saime Isufi, Nexhmije Mehmetaj, Nexhat Maloku dhe Agim Paçarizi

LAJME INTERESANTE NGA INTERNETI