Kosova
Mërgimtarët bëjnë me shtëpi një familje në Deçan
Çiftit bashkëshortor Kadri dhe Ariana Kaçorraj nga fshati Llukë e Epërme e Deçanit po i realizohet ëndrra për t’u bërë më shtëpi, pas një kohe jetese në një kasolle druri.
Ëndrrën e tyre po e bëjnë realitet dy mërgimtarë në Austri, Beslim Tahirsylaj nga fshati Isniqi dhe Nezir Tolaj nga fshati Beleg të Deçanit, të cilët i kanë bashkuar mjetet për ndërtimin e kësaj shtëpie, shkruan “Koha Ditore”.
Përfaqësuesi i këtyre dy donatorëve, Arsim Tahirsylaj, i cili është duke e ndërtuar atë shtëpi, tregon se i vëllai Beslimi bashkë me Nezir Tolajn kanë dhënë 17 mijë euro për ndërtimin e shtëpisë për familjen Kaçorraj, përcjell albinfo.ch.
Punimet e nisura në themelin e shtëpisë së re të tij po i përcillte me emocione 32- vjeçari Kadri Kaçorraj.
“Deri tashti kemi jetuar në atë kasolle të drurit me kushte shumë të vështira. Falënderoj shumë të dy familjet mërgimtare që po ma ndërtojnë shtëpinë”, është shprehur Kaçorraj i gëzuar që po bëhet me shtëpi të re.
Toka në të cilën po ndërtohet shtëpia është e Kaçorrajve, por siç thotë ai, vetë nuk do të mundte kurrë ta ndërtonte shtëpinë pa ndihmën e mërgimtarëve.
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe