Një person i ndershëm gjen të hollat humbura dhe i kthen

(KEYSTONE/Ennio Leanza)

Më 27 korrik 2018, një person i ndershëm e ka dorëzuar në polici një portofol me para të gatshme në një vlerë prej rreth 17.000 franga. Portofoli ka mundur të kontrollohet dhe t’i dorëzohet një të afërmi të pronarit.

Të premten, më 27 korrik 2018, në orën 14.30, një person 38-vjeçar është paraqitur në stacionin policor në Ebikon. Aty ai ka dorëzuar një portofol të zezë të gjetur në Ebikon, shkruajnë mediat zvicerane, përcjell Albinfo.ch. Në të kanë qenë disa zarfe me të holla në monedha të ndryshme (franga, euro, kuna dhe marka konvertibile).

Vlera e parave ka arritur në rreth 17.000 franga. Bazuar në dokumentet që kanë qenë në brendinë e tij, pronari ka mundur të gjendet. Ai ishte rrugës për pushime. Portofoli i është dorëzuar një të afërmi të tij.