Muzikë

Përgatitje për festivalin e muzikës dhe arteve pamore Zvicër-Kosovë

Bujar Berisha, për publikun muzikor të Lucernit e më gjerë njihet si udhëheqës i rock grupit “Who’s Elektra”, i cili ka vepruar deri para rreth dy vitesh. Aktualisht Berisha drejton një agjenci të arteve (Diediebe.ch), në Lucern, me të cilën ka planifikuar një festival të muzikës dhe të arteve pamore. Festivali pritet të mbahet në Kosovë, nga 5 deri më 8 shtator të këtij viti. Në këtë festival do të marrin pjesë artistë nga Zvicra por edhe nga mbarë Evropa, shprehet organizatori Bujar Berisha për albinfo.ch.
Ndërkaq, këtë të premte, më 11 janar 2019, agjencia “Diediebe.ch” do t`i hapë dyert për njerëz që duan të marrin pjesë ose të kontribuojnë në të gjitha mënyrat në festivalin në fjalë. Siç thotë Berisha, “jemi të hapur për ide dhe bashkëpunime të reja” dhe pikërisht kësaj i kushtohet edhe takimi i planifikuar më 11 janar. Muzika që pritet të jetë pjesë e festivalit do të jetë kryeisht elektronike por nuk përjashtohen edhe ide për zhanre tjera. Po ashtu sa i përket artit pamor, organizatorët janë të hapur. “Do të ketë sigurisht instalacione, performanca etj”, thotë ai për albinfo.ch.
Të interesuarit për të qenë pjesë e festivalit mund të vijnë më 11 janar, nga ora 19.00 dheri në orën 22.00 në këtë adresë: Baselstrasse 61, 6003 Luzern, (im Treppenhaus zum Parkhaus, rotes Gebäude, 5. Stock).