Lajme

Propozimi për të ulur sigurimin shëndetësor në Zvicër

Plani i ri i sigurimeve nuk do t'i detyrohet askujt, por do të ofrohet si alternativë, veçanërisht për ata me shëndet të mirë

Fundjavën e kaluar, PLR/FDP zbuloi një plan për të krijuar një opsion sigurimi shëndetësor me kosto të ulët buxhetore në Zvicër, raportoi RTS.

Propozimi, i cili përfshin mënyra me kosto më të ulët për ofrimin e kujdesit shëndetësor, do të paraqitet në Parlament muajin e ardhshëm. Shembuj të mënyrave për të ulur kostot përfshijnë kufizimin e zgjedhjes së spitalit dhe ndarjen e dhomave të spitalit me më shumë pacientë ose në mjedise më pak luksoze, përcjell albinfo.ch.

Plani është një përgjigje ndaj rritjes së primeve të sigurimit shëndetësor dhe është një opsion që pritet të tërheqë banorët më të shëndetshëm. Sigurimi bazë shëndetësor vazhdon të zgjerohet dhe të ofrojë më shumë trajtime, sipas Philippe Nantermod, një parlamentar nga PLR. Disa nga këto trajtime janë të dyshimta, siç janë ilaçet plotësuese, tha ai.

Plani i ri i sigurimeve nuk do t’i detyrohet askujt, por do të ofrohet si alternativë, veçanërisht për ata me shëndet të mirë.

Ideja do t’i paraqitet Këshillit Kombëtar (Parlamentit) dhe Këshillit të Shteteve (Dhoma e Sipërme) gjatë muajve të ardhshëm.