Lajme
Qeveria merr në mbrojtje komunitetin LGBT
Qeveria e Kosovës miratoi vendimin për themelimin e një komisioni të përbashkët, vendorë e ndërkombëtarë, për mbrojtjen e komunitetit LGBT në Kosovë
Qeveria e Kosovës në mbledhjen e të mërkurës, ka miratuar një vendim me të cilin themelon një Grup Këshillëdhënës dhe Koordinues në nivelin vendi, për mbrojtjen e të drejtave të komunitetit Lesbike, Homoseksual, Biseksual dhe Transgjinor në Kosovë, që në komunitetin e përngjitshim njihen si LGBT.
Ky Grup Këshillëdhënës dhe Koordinues, sipas kryeministrit Hashim Thaçi, themelohet me qëllim që të krijohet një partneritet dhe bashkëpunim i rregullt ndërmjet institucioneve vendore, ndërkombëtare dhe organizatave joqeveritare që punojnë për mbrojtjen dhe promovimin e të drejtave të komunitetit LGBT.
Ky Grup përbëhet nga përfaqësuesit e Zyrës për Qeverisje të Mirë të Kryeministrit Hashim Thaçi; Shoqërisë Civile; Ministrisë për Integrime Evropiane; Zyrës Ligjore e Kryeministrit; Ministrisë së Kulturës, Rinisë dhe Sporteve; Ministrisë së Arsimit, Shkencës dhe Teknologjisë; Ministrisë së Punës dhe Mirëqenies Sociale; Ministrisë së Shëndetësisë; Ministrisë së Punëve të Brendshme; Gjyqësori; Rrjetit të Grupit të Grave të Kosovës etj
Ndërsa në cilësinë e vëzhguesve janë: Zyra e BE-së në Kosovë; Ambasadat në Kosovë; Institucioni i Avokatit të Popullit; Misioni i OSBE-së; USAID-i; Zyra e Komisariatit të Lartë të Kombeve të Bashkuara për të Drejtat e Njeriut.
Po ashtu qeveria ka aprovuar Raportin e Vlerësimit të Rrezikut Kombëtarë Kundër Pastrimit të Parave dhe Financimit të Terrorizmit në Kosovë për vitin 2013, hartuar nga Njësia e Inteligjencës Financiare të Kosovës.
Vendimi i Qeverisë obligon Ministrinë e Financave që në bashkëpunim me institucionet tjera të adresojë të gjeturat e vlerësimit të rrezikut kombëtarë përmes një strategjie përkatëse kundër pastrimit të parave, financimit të terrorizmit dhe të parandalimit të ekonomisë joformale.
Edhe Raporti i vlerësimit të rishikimeve të shpenzimeve publike dhe llogaridhënies financiare për vitet 2010-2012, është miratuar nga Qeveria e Kosovës në mbledhjen e sotme. Ministria e Financave është ngarkuar që të hartojë Planin e Veprimit për Reformën e Menaxhimit të Financave Publike të bazuar në raportin për vitin 2013.
Të tjera nga Lajme
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane