CH-Ballkani
Rënia e pushuesve të Kosovës në Shqipëri
Shifrat e fundit të publikuara nga Instituti i Statistikave, që i përkasin 6-mujorit të parë, flasin për një rënie vjetore prej 0.4% të numrit të kosovarëve që kanë hyrë në Shqipëri
Braktisja e bregdetit shqiptar nga pushuesit kosovarë ka vazhduar edhe këtë vit. Shifrat e fundit të publikuara nga Instituti i Statistikave, që i përkasin 6-mujorit të parë, flasin për një rënie vjetore prej 0.4% të numrit të kosovarëve që kanë hyrë në Shqipëri, por në muajin e parë të sezonit turistik, që është qershori, rënia shkon në plot 4.3%.
Në vitin 2017, ulja ishte edhe më e fortë, me mbi 19%, ose rreth 410 mijë vizitorë më pak. Megjithëse shifrat zyrtare flasin për rënie, për Ministrinë e Turizmit situata është krejt tjetër.
“Nuk ka rënie të numrit të vizitorëve nga Kosova në sezonin turistik. Natyrisht ka pasur një numër në rritje si për të gjithë fashat e tjera të destinacionit turistik gjatë periudhës maj-qershor”, tha ministri Blendi Klosi, raporton Tch.
Rënia
Për korrikun dhe fillimin e gushtit shifrat nuk kanë dalë ende, por në terren situata raportohet me rënie nga bizneset, përcjell albinfo.ch.
“Ka rënie, shumë, jo pak. Unë kështu s’e mbaj mend të them të drejtën. Kam 18 vite që punoj, por të tillë rënie nuk mbaj mend”, thotë një i intervistuar.
Për vite me radhë, pushuesit kosovarë kanë mbajtur peshën kryesore për numrin e turistëve, e për shumë biznese në bregdet, ata përbënin një burim të rëndësishëm për sa i përket aktivitetit ekonomik.
Arsyet e braktisjes lidhen me kushtet jo të mira, degradimin ekstrem mjedisor dhe urbanistik, sidomos në zonën e Durrësit, që për më shumë se një dekadë ka përballuar edhe fluksin më të madh.
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane