Rritet numri i të prekurve nga sëmundjet ngjitëse seksuale

Në Zvicër, numri i të infektuarve nga sëmundjet seksualisht të transmetueshme është në rritje, pavarësisht të fushatës në shkallë të gjerë të autoritetit shëndetësor. Qeveria në Bernë njoftoi se numri i infeksioneve nga sëmundjet seksualisht të transmetueshme duhet të përgjysmohet më 2017.

Megjithatë, sipas Zyrës Federale të Shëndetit Publik (BAG), përpjekjet parandaluese nuk kanë dështuar. Numri i rasteve të reja ka shkuar në 556 në krahasim me 552 raste të vitit të kaluar, dhe thuhet të jetë stabile gjendja me HIV AIDS dhe infeksione të tjera seksualisht të transmetueshme me pasoja më të rënda, tha për SDA zëdhënësi i BAG, Adrien Kay, përcjell albinfo.ch.

Këtë vit, fushata “Love Life” ka për të vazhduar. Rreth dy milionë franga zvicerane shpenzohen çdo vit për parandalimin e infeksioneve të tilla. Në rast se një person diagnostikohet me HIV, autoritetet shëndetësore janë të ngarkuara relativisht me kosto të trajtimit me rreth një milion franga zvicerane.

Rastet e gonorresë  janë rritur sidomos vitin e kaluar. Ato u rritën me më shumë se një e katërta, për rreth 2500 raste. Po ashtu edhe Sifilizi thuhet të ketë një rritje prej 11.5 për qind. 1176 raste janë raportuar vitin e kaluar.

Në Zvicër dhe në Evropë janë përhapur infeksionet seksualisht të transmetueshme Chlamydiose me rreth 8.5 për qind, në pak më shumë se 11.000 raste.

Numri i rasteve të Chlamydiosis është rritur për vite me radhë. Sipas BAG, rritja e sëmundjeve seksualisht të transmetueshme është pjesërisht për shkak të testeve të reja, si dhe rritjs së vetëdijes në mesin e mjekëve.

Vjeshtën e kaluar Organizata Botërore e Shëndetësisë (WHO) theksoi se gonorrea, Sifilizi dhe Chlamydiosis janë gjithnjë e më vështirë për t’i luftuar. Bakteret që i shkaktojnë janë gjithnjë më rezistente ndaj antibiotikëve.

Arsyeja kryesore ishte se medikamentet janë përdorur shpesh ose gabimisht. Rezistenca më e fortë ishte zhvilluar nga gonorrea (gonorrea), e cila infekton 78 milionë njerëz në vit. Sipas BAG, rezistenca e antibiotikëve përballë gonorresë në Zvicër aktualisht është nën kontroll.

Nëpërmjet fushatës “Love Life” janë përcjell vazhdimisht mesazhe për t’u mbrojtur nga sëmundjet seksualisht të transmetueshme.

Kështu, infeksionet duhet të zbulohen dhe të trajtohen sa më shpejt të jetë e mundur.