Më shumë se 70 % e grekëve kundër emrit “Maqedonia”

Emri “Maqedonia” është kthyer tashmë në çështjen kryesore politike në Greqi, e ka përçarë jo vetëm politikanët, por edhe qytetarët e këtij vendi.

Qarqe politike qeveritare përpiqen të minimizojnë pjesëmarrjen masive të grekëve në dy mitingjet e fundit, duke theksuar se në mitingun e Selanikut morën pjesë vetëm 90 mijë vetë dhe rreth 140 mijë në atë të Athinës, mesditën e së dielës.

Por, nga ana tjetër, një sondazhi i fundit i Universitetit “Makedonia” të Selanikut, për llogari të Institutit grek të Politikës së Jashtme dhe Evropiane në Athinë (ELIAMPE), tregon se 71.5 për qind e qytetarëve pozicionohen kundër përdorimit të emrit “Maqedoni” nga fqinji verior i Greqisë, shkruan “TCH”.

Plot 56% e tyre thonë se Tsipras, deri tani e ka trajtuar në mënyrë të gabuar këtë çështje kombëtare, 54% besojnë se edhe veprimet politike të kreut të opozitës Kyriakos Mitsotakis nuk janë të sakta, ndërsa 47% e të anketuarve konsiderojnë gabim strategjinë e Ministrisë së Jashtme greke, përcjell albinfo.ch.