Lajme
SWISS anulon shumë fluturime për shkak të mungesës së stafit
SWISS thotë se rreth 10,000 pasagjerë do të goditen drejtpërdrejt nga anulimet, ndërsa rreth 20,000 të tjerëve do t'u ofrohen opsione alternative.
Transportuesi zviceran po planifikon të zvogëlojë numrin e fluturimeve veçanërisht në Evropë gjatë muajve të ardhshëm si pasojë e mungesës së stafit. Swiss International Air Lines tha se do të preken rreth 2% e fluturimeve të planifikuara për në destinacionet në Gjermaninë fqinje dhe në Poloni, si dhe në Britani dhe në Los Anxhelos.
Agjencia e lajmeve Keystone-SDA citoi një zëdhënëse të Swiss të thoshte se arsyet ishin “blloqet në qendrat e kontrollit ajror, shërbimet tokësore dhe të aeroportit në Evropë dhe në SWISS”.
Fluturimet për në Vjenë gjatë muajve të verës do të operohen nga Austrian Airlines, një kompani motër e grupit gjerman Lufthansa, transmeton albinfo.ch.
SWISS tha se rreth 10,000 pasagjerë do të goditen drejtpërdrejt nga anulimet, ndërsa rreth 20,000 të tjerëve do t’u ofrohen opsione alternative.
Është hera e dytë në dy muaj që SWISS u detyrua të shpallë anulime fluturimesh për shkak të mungesës së personelit, transmeton tutje albinfo.ch.
Kritikët kanë akuzuar menaxhmentin e SWISS për llogaritjen e gabuar të situatës, pasi fillimisht njoftoi 780 pushime nga puna vitin e kaluar, por më vonë iu desh të rishikonte shifrën në 550.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?