“Të blejmë nga Ballkani”

Edhe pse vendet e Ballkani së fundi përmenden vetëm për valën e refugjatëve, qeveria gjermane në Berlin bën përpjekje për përmirësimin ekonomik të rajonit.

Edhe pse vendet e Ballkanit së fundi përmenden vetëm për valën e refugjatëve, qeveria gjermane në Berlin bën përpjekje për përmirësimin ekonomik të rajonit.

“Kemi zbuluar mundësi krejtësisht të reja për zhvillimin e bizneseve tona”, ky është reagimi i vetëm njërit prej biznesmenëve gjermanë, që janë pjesë e iniciativës për blerjen e mallrave në Ballkan (“Einkaufsinitiative Balkan”).

Siç raporton DW, bëhet fjalë për iniciativën që nisi si rezultat i një konference të vitit të kaluar për Ballkanin Perëndimor në Berlin, dhe iniciatorët e saj janë Shoqata gjermane e Logjistikës, firma blerëse BME, Dhoma gjermane e Ekonomisë dhe Tregtisë DIHK dhe qeveria në Berlin.

Qëllim i iniciativës është që firmat nga Gjermania,si blerës potencialë, të kontaktojë direkt me prodhuesit nga rajoni i Ballkanit Perëndimor.

Qershorin e kaluar në Mynih u mbajt edhe konferenca e posaçme, në të cilën BME organizoi më shumë se 400 bisedime direkte “vetëm për vetëm” mes partnerëve të mundshëm.

Në takime të ndara, para 22 partnerëve të mundshëm nga Gjermania u prezantuan gati 100 firma të zgjedhura nga hapësira e Ballkanit Perëndimor.

Muajt e fundit këto firma nga Serbia, Bosnjë e Hercegovina dhe Kroacia kanë marrë 170 kërkesa konkrete prej blerësve gjermanë.

“Pas një farë kohe dhe analize mund të themi se kjo iniciativë është një sukses i madh”, thotë Olaf Holzgrefe nga shoqata BME.

Holzgrefe thekson se potenciali ekziston në segmentet ku është i nevojshëm përpunimi teknik i materialeve, në radhë të parë në industrinë e përpunimit të metalit.

Industria e automobilëve në Gjermani është natyrisht një blerës i madh potencial, por në këtë moment ekzistojnë synime reale.