Kosova

Thaçi takon Palmerin, i bindur në përkrahjen e SHBA-së

E mërkurë, 23 Maj 2018 - 13:18 albinfo.ch

Presidenti i Kosovës, Hashim Thaçi është shprehur i bindur se përkrahja e Shteteve të Bashkuara të Amerikës ndaj Kosovës do të jetë e njëjtë edhe në fazën e fundit të dialogut.

Ai ka njoftuar se në kuadër të Forumit të Sigurisë ka biseduar për forcimin e paqes në rajon dhe rrugëtimin euroatlantik edhe me Drejtorin për Evropën Qendrore dhe Jugore të SHBA-së, Matthew Palmer, përcjell albinfo.ch.

“Kosova është e gatshme për të vazhduar fazën e fundit të dialogut për normalizimin e marrëdhënieve ndërmjet Kosovës dhe Serbisë, të ndërmjetësuar nga BE-ja dhe me përkrahje të fuqishme nga SHBA-ja”, ka shkruar presidenti.