Lajme

Vera e dytë më e nxehtë në historinë e Zvicrës

Kjo verë ka të ngjarë të regjistrohet si e dyta më e nxehtë që nga fillimi i regjistrimeve më 1864.

Shifrat nga MeteoSuisse tregojnë se temperatura mesatare midis qershorit dhe gushtit është më shumë se 2 gradë mbi normën midis 1991 dhe 2020.

Vetëm vera e nxehtë e vitit 2003 ka të ngjarë të mbajë rekordin, shkruajnë mediat zvicerane, përcjell albinfo.ch.

Parashikuesit thonë se kjo verë është shënuar nga tri valë të veçanta të të nxehtit – e para në mes të qershorit me temperatura që arrijnë afër 37. Është e pazakontë të kesh temperatura të larta kaq herët.

Vala e dytë në mes të korrikut – nga 14 në 26. Gjatësia e valës së të nxehtit është përgjithësisht e pazakontë, por po bëhet gjithnjë e më e zakonshme. Ndodhi në vitin 2015 dhe 2003.

Vala e tretë ishte fillimi i këtij muaji me temperaturat më të larta të verës deri më tani në Gjenevë në 38.3.

Ndërsa kjo verë mund të mos jetë më e nxehta e regjistruar ndonjëherë, ekspertët thonë se tendenca e verës më të nxehtë është e qartë.