Winterthur: Mashtrohet 74-vjeçari, bie pre e mashtrimeve në telefonata

Një i moshuar nga Winterthuri ka humbur disa qindra mijëra franga pas një mashtrimi mizor, sipas policisë kantonale të Cyrihut.

74-vjeçari ka marrë disa telefonata me pretendimin se janë punonjës policie ose nga prokuroria publike.

Ata i bënë presion që të transferonte paratë pasi thanë se vajza e tij ishte arrestuar, shkruajnë mediat zvicerane, përcjell albinfo.ch.

Burri ndoqi udhëzimet e tyre për shkak të tronditjes së situatës, duke rezultuar në disa transferime gjatë dy ditëve.

Policia po paralajmëron që të mos tundoheni për të marrë vendime të nxituara kur jeni nën presion dhe këshillon t’i jepni fund telefonatës menjëherë nëse nuk jeni të sigurt dhe telefononi policinë tuaj lokale.

---