Xhamia dhe kisha në Ferizaj ‘duan të bashkohen’ edhe më shumë

Imami dhe prifti duan që muri i ndërtuar para disa vitesh mes xhamisë dhe kishës të rrënohet

Ilustrim

Një nga simbolet më të njohura në qytetin e Ferizajt është xhamia dhe kisha ortodokse. Imami dhe prifti duan që muri i ndërtuar para disa vitesh mes xhamisë dhe kishës të rrënohet, raporton “Zëri i Amerikës”.

Imami Naser Kosumi dhe prifti ortodoks Trajko Vlajkoviq kanë folur se ndërmjet nuk ka ndasi, përcjell albinfo.ch.

Ata janë të bashkuar për t’i zgjedhur problemet dhe duan që muri të shembet, që kisha e xhamia të jenë më afër dhe të mos ketë ndarje mes tyre.

Ata thonë se kjo do të ishte më mirë edhe për opinionin. Imami dhe prifti thonë se asnjëherë nuk kanë pasur probleme deri më tani, dhe shpresojnë që kështu të vazhdojnë edhe më tutje.

“Ne i shërbejmë të njëjtit Zot dhe nuk ka ndasi”, thotë Trajko Vlajkoviq.