Zvicër: Ngrohja me dru është shumë më e shtrenjtë

@pixabay

Nuk janë vetëm çmimet për lëndët djegëse fosile, naftën dhe gazin që janë rritur ndjeshëm në Zvicër.

Edhe ata që mbështeten në energji alternative, si druri si lëndë djegëse, aktualisht duhet të gërmojnë më thellë në kuletat e tyre, raportoi SRF, përcjell albinfo.ch. 

Peletat e prodhuara nga tallash i shtypur janë 46 për qind më të shtrenjta se një vit më parë. “Në përgjithësi, mund të përmbledhim se rritja është për shkak të kostove më të larta të prodhimit”, tha Peter Lehmann, President i Shoqatës “proPellets”. Përveç përpunimit, druri është edhe më i shtrenjtë. 

Vitin e kaluar janë ndërtuar pothuajse 50 për qind më shumë sisteme ngrohjeje me bazë peleti se në vitin 2020, gjë që ka rritur kërkesën për pelet. Megjithatë, Lehmann supozon se çmimi nuk do të ulet në afat të mesëm; druri si lëndë e parë është shumë e kërkuar në situatën aktuale.